Xitoyning Jishishan okrugida 6,2 magnitudali zilzila yuz berdi. 100 dan ortiq odam halok bo’ldi, deya xabar beradi Sinxua agentligi.
Zilzila dushanba kuni Pekin vaqti bilan 23:59 da sodir bo’lgan. Zilzila epitsentri Lyagou qishlog‘ida joylashgan bo‘lib, u qo‘shni shaharlarda ham sezilgan. Shu sababdan ushbu aholi punktlaridagi ayrim turar-joy binolari qulab tushgan.
Sinxua agentligiga ko‘ra, 111 kishi halok bo‘lgan. Reuters axborot agentligi 118 mahalliy aholining halok bo‘lgani haqida xabar berdi.
Avvalroq, «Kursiv» O‘zbekistondagi zilzilalar haqida yozgan edi. 14-dekabr kuni Farg‘ona viloyati aholisi yer silkinishini his qildi, zilzila epitsentri Qirg‘izistonda bo‘lgan.
