Senatorlar 2023-yilgi davlat byudjeti to‘g‘risidagi qonunga o‘zgartirishlar kiritib, konsolidatsiyalangan byudjet taqchilligi chegarasini 2,2%ga – 3 foizdan 5,5%ga oshirdi.
O‘zRning kafolati ostida tashqi qarzlarni jalb qilish bo‘yicha yillik imzolanadigan yangi bitimlarning cheklangan hajmi 4,5 mlrd dollardan 5,5 mlrd dollarga oshirildi.
Maktabgacha ta’lim va maktab ta’limi vazirligi xarajatlari miqdori oshirildi. Bu pul bolalar ovqati, maktab o‘quvchilari uchun darsliklar, bog‘chalarga subsidiyalar uchun sarflanadi.
Qishloq xo‘jaligi vazirligiga fermerlarga subsidiyalar berish uchun qo‘shimcha mablag‘lar ajratiladi. Iqtisodiyot vazirligi ham mablag‘larni jo‘natadi, ayrim xarajatlar esa mahalliy byudjetlar va boshqarmalarga yo‘naltiriladi.
Yana 1,8 trln so‘m ijtimoiy nafaqalar uchun, 500 mlrd so‘m issiqlik ta’minoti tizimini modernizatsiya qilish, shuningdek, ayrim binolarni ko‘mir yoqilg‘isiga o‘tkazish uchun yo‘naltiriladi.
Avvalroq, «Kursiv» senatorlar O‘zbekiston Respublikasining 2024 yilgi byudjeti loyihasini ma’qullagani, unga ko‘ra taqchillig yalpi ichki mahsulotga nisbatan 4 foiz miqdorida prognoz qilingani haqida xabar bergan edi.
