“O‘zbektelekom” va “O‘zbekinvest” IPO’da 3,8 mln dollar jalb etdi
O‘zbekistonda 15-dekabr kuni «O‘zbekinvest» sug‘urta kompaniyasi va «O‘zbektelekom» telekommunikatsiya gigantining mahalliy IPO’si yakunlandi, deb xabar berdi «Toshkent» Respublika fond birjasi. Emitentlarning qimmatli qog‘ozlari ikkilamchi bozorda 20-dekabrdan boshlab muomalaga kiritildi.
«O‘zbekinvest» aksiyadorlik jamiyatining imtiyozli aksiyalarini sotib olish uchun 18,13 mlrd so‘mga 247 ta ariza kelib tushdi. Shulardan 14,11 mlrd so‘mlik arizalarning yarmidan kamrog‘i (100 tasi) qanoatlantirildi. Aktsiyalarning asosiy ulushini institutsional investorlar (70,27%), chakana investorlar esa 29,73% sotib oldi.
«O‘zbektelekom» aksiyadorlik kompaniyasi tomonidan aksiyalarni sotib olish bo‘yicha qariyb 11 mingta ariza kelib tushgan.Oddiy aksiyalarni joylashtirish aksiyadorlik jamiyatiga 33,25 mlrd so‘m foyda keltirdi. Korporativ va institutsional investorlar 60% ni sotib oldilar, qolgan 40% chakana sotuvchilarga ketdi.
Kompaniyalar dollar hisobida $3,8 mln olishdi, «O‘zbekinvest» $1,14 mln, «O‘zbektelekom» esa $2,7 mln mablag‘ olishga sazovor bo‘lishdi.
«O‘zbekinvest» qimmatli qog‘ozlari bilan birjada ilk bitimlar 20-dekabr kuni bo‘lib o‘tdi. O‘sha kungi yopilish narxi 1489,99 so‘mni tashkil qildi. Aksiyalar IPO narxiga nisbatan 49%ga qimmatlashdi. «O‘zbektelekom» misolida qimmatli qog‘ozlar 25%ga qimmatlashgan. Joylashtirish narxi 6 ming so‘mni, 20-dekabr kuni yopilish narxi esa 7,5 ming tashkil etdi.
Avvalroq, «Kursiv» «O‘zbekinvest» IPO’da 21 mlrd so‘mgacha mablag‘ jalb qilishni rejalashtirayotgani haqida yozgan edi. «Kursiv» bilan suhbatda kompaniya bosh direktori Rustam Azimov ushbu IPO orqali kompaniya bozorni sinovdan o‘tkazayotganini aytdi.
Joriy yilda O‘zbekiston mahalliy bozorida uchta IPO o‘tkazildi. Fevral oyida UzAuto Motors avtomobil zavodi $5 mln yig‘ishga muvaffaq bo‘lgan.
