O‘zbekistonda oilaviy sudyalar paydo bo‘ladi

2024-yil 1-fevraldan Samarqand, Namangan va poytaxtning Mirzo Ulug‘bek tumanida oilaviy sudyalar faoliyat yuritadi. Bu haqda Prezident Shavkat Mirziyoyev qaror imzoladi.

Hujjatga ko‘ra, bunday sudyalar oilaviy nizolarni fuqarolik ishlari bo‘yicha sudlarda hal qiladi.

Bundan tashqari, kelasi yilning 1 fevralidan boshlab hunarmandchilikni o‘rganish yoki uyda ishlash istagida bo‘lgan ayollar uchun kurslar tashkil etiladi. O‘qitish oilalar va ayollarni qo‘llab-quvvatlash maxsus jamg‘armasi hisobidan to‘lanadi. Kurslar narxining 70 foizini davlat qoplaydi.

Shuningdek, 2024-yilda tadbirkorlik faoliyatini endigina boshlayotgan ayollar uchun binolarning dastlabki uch oylik ijara haqini Xalqni tadbirkorlikka jalb qilish jamg‘armasi to‘laydi.

Kelgusi yilning 1 yanvaridan boshlab xotin-qizlar fuqarolarning o‘zini o‘zi boshqarish organlarida 11 oygacha ish yuritishi mumkin bo‘ladi.

Ish topishda qiynalayotganlarga yoki oiladagi zo‘ravonlik qurbonlariga ish beriladi.

Avvalroq, «Kursiv» oilaviy zo‘ravonlik qurbonlari uchun ajrashish tartibini soddalashtirishni rejalashtirayotganliklarini yozgan edi.