Kelgusi yil boshidan mikrokreditlar limiti ikki baravarga oshib, 100 million so‘mga yetkaziladi, deb xabar qildi Adliya vazirligi.
Bundan tashqari, mikromoliya tashkilotlari (MMT) xorijliklarning kreditlarini jalb qilish va kompaniyalarga xorijiy valyutada xizmat ko‘rsatish imkoniyatiga ega bo‘ladi.
Shuningdek, kelgusi yilning yanvar oyidan boshlab MMT litsenziyaga ega bo‘lsa, to‘lov tashkiloti sifatida faoliyat yurita oladi.
Joriy yilning dekabr oyi boshida O‘zbekistonda 4,1 trillion so‘mlik aktivlarga ega 84 mikromoliya tashkiloti faoliyat ko‘rsatgan. Shundan 3,7 trillion so‘mi kreditlar va lizinglar hissasiga to‘g‘ri keldi.
Avvalroq, «Kursiv» O‘zbekistonda mikrokreditlar, avtokreditlar va ipoteka kreditlari hajmi oshgani haqida yozgan edi.
