Prezident Shavkat Mirziyoyevning farmoni bilan O‘zbekistonda mahallalar birlashmasi tashkil etiladi.
Yangi tashkilot respublika bo‘ylab 9,3 mingdan ortiq mahallani birlashtiradi. Farmonga ko‘ra, uyushma O‘zbekiston aholi va davlat o‘rtasida «ko‘prik» bo‘ladi.
Shuningdek, milliy qadriyat va an’analarga hurmat tuyg‘usini yuksaltirishda mahallalarning rolini kuchaytirish, muammolarni davlat organlari bilan hamkorlikda hal etish kabi vazifalar belgilandi.
Bundan tashqari, uyushma zimmasiga mahallalarning moddiy-texnik ta’minotini modernizatsiya qilish, kam ta’minlangan oilalarni qo‘llab-quvvatlash vazifalari yuklatildi.
Avvalroq, «Kursiv» moliya va soliq organlari vakolatlarining 30 foizi mahallaga o‘tishini yozgan edi.
