O‘zbekistonda olma va mandarinlar narxi ko‘tarildi

Yangi yildan keyin O‘zbekistonda olma narxi 20%ga, mandarin esa 13%ga oshdi, deb xabar beradi EastFruit.

«Golden Delicious» navli olma eng tez qimmatlashdi – bir hafta ichida 40% ga. Taqqoslash uchun: eng arzon olma navlari 10 ming so‘mdan (0,81 dollar), «Golden» navli olma esa bir kg 14 ming so‘mdan (1,14 dollar) sotilmoqda.

Mandarinlar narxi oshganiga qaramay, ulgurji narx nisbatan pastligicha qolmoqda – 1 kg uchun 9 ming so‘m (0,73 dollar).

Biroq bayramlar oldidan O‘zbekistonda mandarin narxi 20%ga arzonlashdi. Bundan tashqari, o‘tgan yilning 20-oktabridan 15-dekabriga qadar O‘zbekistonda ushbu mevaning o‘rtacha tannarxi 3,5 barobardan ziyod arzonlashgan.

Avvalroq, «Kursiv» O‘zbekistonda Kabarda-Balkaryadan olmalar jo‘natilgani haqida yozgan edi.