Seshanbaga o‘tar kechasi Eron qo‘shinlari Isroilning «josuslik markazi» joylashgan Iroqning Qurdiston mintaqasiga zarbalar berdi. «Islom davlati» terrorchilik guruhining Suriyadagi pozitsiyalariga ham hujum qilindi, deb xabar berdi Reuters.
«Sionistik rejimning soʻnggi vahshiyliklariga javoban (…) Iroqning Qurdistonidagi Mossadning asosiy josuslik qarorgohlaridan biri ballistik raketalar bilan yoʻq qilindi», — deyiladi Eron bayonotida.
7-oktabrdan beri, Hamas Isroil hududiga hujum qilib, mojaro boshlangan. Eron tomonidan qo‘llab-quvvatlanadigan Livandagi Hezbollah guruhining 130 dan ortiq jangarilari urushda qurbon bo‘lishdi.
«Kursiv» yozishicha, «Islom davlati» Eronda yanvar oyida general Qosim Sulaymoniy qabrida sodir bo‘lgan portlashlar uchun javobgarlikni o‘z zimmasiga oldi. O‘shanda 80 dan ortiq odam hayotdan ko‘z yumgan edi.
«Biz xalqga ishontirib aytamizki, hujum jarayonlari shahidlarning so‘nggi tomchi qoni qasos olinmaguncha davom etadi», — deya qo‘shimcha qildi Eron.
Mamlakat Yaqin Sharqda mojaro avj olishidan qoʻrqib, boshqa davlatlarga qarshi zarbalar berdi.
