O‘zbekistonda avtomobillar savdosining faol tendentsiyasi davom etmoqda, ayniqsa yo‘lovchi elektromobillar segmentida so‘nggi bir yil ichida 4,3 barobar oshgan. Bu haqda Iqtisodiy tadqiqotlar va islohotlar markazi (ITIM) xabar berdi.
ITIM ma’lumotlariga koʻra, 2023-yilda 1,69 mln dona avtomobil sotilgan, bu 2022-yilga nisbatan 18%ga koʻpdir. Yangi yengil avtomobillar segmenti eng yuqori faollikni ko’rsatdi, ularning savdosi 33%ga, mahalliy ishlab chiqarish esa 25%ga oshdi.
Sotishning eng yuqori ko‘rsatkichlari may va oktabr oylarida qayd etilgan, o’sha oylarda mos ravishda 156 va 186 mingdan ortiq avtomobil sotilgan.
O‘zbekistonda mahalliy yengil avtomobillar ishlab chiqarish ikki yil ichida 1,6 barobarga oshib, 2023-yilda 395 mingtani tashkil etdi. Bundan tashqari, avtomobil sotib olish uchun avtokreditlar berish ham oshib, 11 oy ichida 34,6 trln so‘mni tashkil etdi, bu 2021-yilning shu davriga nisbatan 4,4 barobar ko‘pdir.
Shu bilan birga, 2023-yilning 11 oyida xorijda ishlab chiqarilgan yangi yengil avtomobillar savdosi 2,4 barobar, yengil avtomobillar importi esa 2,2 barobar oshdi. Bu 2022-yilning fevralida ikki baravar kamaytirilgan import avtomobillar uchun bojxona to‘lovlarining kamayishi bilan bog‘liq.
Sotuvning eng katta o‘sishi yo‘lovchi elektromobillar bozorida kuzatildi, bu yil davomida 4,3 baravarga o’sdi va 25,7 mingtani tashkil etdi. O‘zbekistonda 2023-yilda jami avtomobil savdosi 1,69 mln donani tashkil etdi, bu o‘tgan yilga nisbatan 18%ga ko‘proqdir.
Elektromobillar sotuvining asosiy qismi (deyarli 71%) poytaxtda, eng kam savdo hajmi (123 ta elektromobil) Surxondaryo viloyatida qayd etilgan.
Avvalroq, «Kursiv» O‘zbekistonda mototsikl ishlab chiqarish 2,5 barobarga oshdi, deb xabar bergan edi.
