Markaziy bank asosiy stavkani yillik 14 foiz darajasida qoldirdi
Oʻzbekiston Markaziy banki 25-yanvar kuni boʻlib oʻtgan yigʻilishda asosiy stavkani yillik 14 foiz darajasida qoldirish toʻgʻrisida qaror qabul qildi, deyiladi regulyatorning press-relizida.
Markaziy bank o‘z qarorini quyidagicha izohladi: «Iqtisodiyotdagi yuqori talab dinamikasi taʼsirida shakllanayotgan kutilamalarni inobatga olib asosiy stavka darajasi o‘zgarishsiz qoldirildi. Prognozlarga ko‘ra, inflyatsiya yil yakunida 8-9 foizni tashkil etishi kutilmoqda.Shakllantirilayotgan pul-kredit sharoitlari inflyatsiyani 5 foizlik target darajasigacha barqaror pasayish trayektoriyasini taʼminlashga qaratilgan.«
Eslatib o‘tamiz, o‘tgan yili O‘zbekiston Respublikasida asosiy stavka faqat bir marta o‘zgargan edi. Mart oyida Markaziy bank uni 15 foizdan 14 foizga tushirishga qaror qildi. Ammo, boshqa hollarda stavka bir xil darajada saqlanib qoldi. Regulyator turli sabablarga ko’ra o’z qarorlarini qabul qilgan. Masalan, 2023-yilda bu savol oxirgi marta dekabr oyida ko‘tarilgan edi. 14% stavkasini qoldirish sababi quyidagilar edi: inflyatsiya dinamikasi pasaygan, biroq bu qancha davom etishi noma’lum edi.
2024-yilda regulyator birinchi marta asosiy stavka masalasini muhokama qildi. Joriy yilda ushbu mavzu bo‘yicha jami sakkizta uchrashuv o‘tkazilishi rejalashtirilgan. Keyingi safar regulyator stavkalar masalasiga 14-mart kuni qaytishni rejalashtirgan.
