O‘zbekistonda farmatsevtika nazorati tizimi joriy etiladi

O‘zbekistonda farmatsevtika nazorat tizimi ishga tushadi, bu haqda prezident Shavkat Mirziyoyev qaror imzoladi.

U 2024-yil 1-iyulda ishga tushiriladi. Tizim dori-darmon vositalarini iste’mol qilish bilan bog’liq mumkin bo‘lgan tahdidlarni aniqlaydi va ularni tekshiradi.

Shuningdek, joriy yilning iyul oyi boshidan farmatsevtika ishlab chiqaruvchilari va dorixonalar yuqori sifatli va xavfsiz dori vositalari bilan ta’minlashga mas’ul tashkilotlar sifatida e’tirof etildi.

Respublikada dori vositalari xavfsizligini monitoring qilish uchun zarur bo‘lgan GVP standarti joriy etiladi.

Bundan tashqari, 2026-yil boshidan O‘zbekistonda farmatsevtika mahsulotlarini GSP sertifikati bo‘lmagan omborlarda saqlash taqiqlanadi.

Avvalroq, «Kursiv» joriy yilda O‘zbekistonning 40 ta gigiyena normalari va qoidalari xalqaro standartlarga moslashtirilishini e’lon qilgan edi.