O‘zbekistonda Token.uz blokcheyn tarmog‘i ishga tushadi

Uzinfocom yagona integratorining Token.uz blokcheyn tarmog‘i «Tartibga solish qumdoni»da ro‘yxatdan o‘tkazildi, deb xabar berdi Istiqbolli loyihalar bo‘yicha milliy agentlik matbuot xizmati.

Token.uz maʼlumotlarni uchinchi shaxslar tomonidan oʻzgartirilishidan himoya qiluvchi blokcheyn texnologiyasidan foydalangan holda maʼlumotlarni saqlashning ishonchli va shaffof usulini taqdim etadi.

Loyiha veb-saytida aytilishicha, platformadan ta’lim, sog’liqni saqlash, buxgalteriya hisobi va boshqa sohalarda foydalanish mumkin.

Eslatib o‘tamiz, Uzinfocom 2023-yilning aprel oyida «Tartibga solish qumdoni»ning birinchi ishtirokchisi bo‘lgan edi. Uning doirasida Uzinfocom veb-sayt domenlari egalari uchun qo‘zg‘almas tokenlar (NFT) yordamida sertifikatlar berish tizimini sinovdan o‘tkazdi.

Avvalroq, «Kursiv» joriy yil boshida ILMA kripto xizmati provayderlari uchun to‘qqizta litsenziya berganini yozgan edi.