O‘zbekiston $2,8 mlrd xalqaro kreditlarni jalb qildi

2023-yil oxiriga qadar O‘zbekistonda $2,8 mlrd xalqaro kreditlar ajratildi, dedi Investitsiyalar, sanoat va savdo vazirligi boshlig‘i o‘rinbosari Izzatbek Jo‘rayev.

Yil davomida bu ko‘rsatkich 1,5 barobarga oshdi, dedi vazirlig vakili. Xususan, Osiyo taraqqiyot banki $615,6 mln, Jahon banki $552,4 mln, Xitoy $398,8 mln ajratdi.

Xalqaro donorlardan olingan kreditlarning asosiy qismi O‘zbekiston energetika sohasiga – $871,8 mln, transport infratuzilmasiga – $473,3 mln, qishloq va suv xo‘jaligiga – $299,7 mln yo‘naltirildi.

Birinchi beshlikka iqtisodiyot sohasi – $242,8 mln va sog‘liqni saqlash – $163,1 mln kirdi.

Bu mablag‘lar hisobidan respublikada 300 km avtomobil yo‘llari, 420 km ichimlik suvi tarmoqlari va 100 km kanalizatsiya tarmoqlari va boshqa infratuzilma inshootlari barpo etildi.

Avvalroq, «Kursiv» Yevropa tiklanish va taraqqiyot banki O‘zbekiston bilan o‘zaro hamkorlik bo‘yicha yangi strategiyani qabul qilgani haqida yozgan edi.