Qashqadaryo viloyatining Kasbi tumanida 150 tup daraxt kesildi. Etkazilgan zarar 1,1 milliard soʻmni tashkil etdi, deb xabar qildi Ekologiya vazirligi.
Boshqarma maʼlumotlariga koʻra, hodisaning aybdorlari Denov-Novkat kanali qirgʻogʻidagi daraxtlarni kesgan «Toʻpalang HPD Holding» kompaniyasi xodimlaridir.
Bu bilan «Respublikada ko‘kalamzorlashtirish ishlarini jadallashtirish, daraxtlar muhofazasini yanada samarali tashkil etish chora-tadbirlari to‘g‘risida»gi Farmoni talablari buzilgan. Daraxtlarni kesish yoki ko‘chirib o‘tqazish bo‘yicha amaldagi tartiblarga rioya etilmagan va murojaat qilinmagan., — deyiladi vazirlik xabarida.
Huquq-tartibot idoralari xodimlari tomonidan to‘plangan hujjatlar aybdorlarni javobgarlikka tortish va yetkazilgan zararni undirish uchun viloyat prokuraturasiga o‘tkazildi.
Avvalroq, Kursiv 2023-yilda O‘zbekistonda videokuzatuv kameralari orqali 6,5 ming ekologik qoidabuzarlik aniqlangani haqida yozgan edi.
