Olmaotada tuproq ko‘chishi oqibatida ikki uy yer tagida qolib ketgan

Qozog‘istonning Olmaota viloyatining Medeu tumanida payshanbaga o‘tar kechasi hajmi 3,2 ming kub metr bo‘lgan tuproq ko‘chdi. Mahalliy FVV xabariga ko‘ra, ikkita uy zarar ko‘rgan.

Dastlabki ma’lumotlarga ko‘ra, hodisa vaqtida vayron bo‘lgan uylarda to‘rt kishi bo‘lgan, ulardan ikki nafari bolalar. Jabrlanganlar haqida ma’lumot berilmagan.

Voqea joyida qutqaruvchilar va shifokorlar ishlamoqda – jami 160 dan ortiq kishi. Vayronagarchilikni tahlil qilishda 30ta texnik vositalar ishtirok etmoqda. Yaqin atrofdagi uylar aholisi evakuatsiya qilingan va do‘stlari va qarindoshlarinikida qolmoqda.

FVV tuproq ko‘chishi sababini «tuproqning texnogen xarakterdagi botqoqlanishi» deb atadi.

«Kursiv» yanvar oyi oxirida Xitoy va Qirg‘iziston chegarasida sodir bo‘lgan zilzila aks-sadolari Olmaotada ham sezilgan, deb xabar bergan edi. 40 dan ortiq kishi jarohatlangan.