Mingdan ortiq o‘zbekistonlik talaba IELTS ga bepul tayyorlanadi
O‘zbekistonda Registon IELTS Grant tanlovi boshlanishi e’lon qilindi. Uning gʻoliblari IELTS xalqaro ingliz tili imtihoniga tayyorgarlik koʻrish uchun grant olishadi, deb xabar qildi Oliy taʼlim, fan va innovatsiyalar vazirligi.
Tanlovda oliy o‘quv yurtlari, kollejlar, maktablar, texnikumlar va akademik litseylarning 25 yoshgacha bo‘lgan o‘quvchilari ishtirok etishlari mumkin. Buning uchun 25-fevralgacha Telegram-botida ro‘yxatdan o‘tish kerak.
Tanlov ikki bosqichda o‘tkaziladi. Uning g‘oliblariga sertifikatlar, grantlar va esdalik sovg‘alari topshiriladi. Bu yil vazirlik Registon IELTS Grantining uchinchi mavsumini o‘tkazmoqda.
Vazirlik ma’lumotlariga ko‘ra, tanlov orqali 1,2 ming talabani IELTS imtihoniga bepul tayyorlash rejalashtirilgan.
Eslatib o‘tamiz, O‘zbekiston Tashqi ishlar vazirligi Jahon iqtisodiyoti va diplomatiya universitetida IELTS ro‘yxatga olish markazi ochmoqchi edi.
IELTS – bu ingliz tili bo‘yicha imtihon bo‘lib, ona tili bo‘lmaganlar malakasini baholash uchun mo‘ljallangan. Ushbu test dunyoning ko‘plab mamlakatlarida – universitetlar, ish beruvchilar va immigratsiya xizmatlari tomonidan tan olingan.
Imtihon ikki formatda qabul qilinadi: IELTS Academic (ingliz tilida so‘zlashuvchi universitetlarda o‘qishni rejalashtirganlar uchun) va IELTS General Training (ingliz tilida so‘zlashuvchi dunyoda joylashgan davlatga ko‘chib o‘tishni rejalashtirganlar uchun).
