O‘zbekistonda ijtimoiy yordam manzilli ko‘rsatiladi

Oʻzbekiston Ijtimoiy himoya milliy agentligi aholining ijtimoiy himoyaga muhtoj qatlamiga mahalla darajasida yordam koʻrsatishni tashkil etish tizimida muammolar aniqlangani haqida maʼlum qildi. Mexanizmni isloh qilish taklif qilinmoqda. Bu haqda mamlakat prezidenti Shavkat Mirziyoyev bilan uchrashuv yakunlari bo‘yicha ma’lum bo‘ldi.

Endilikda «Yettilik» mahalla fuqarolar yigʻinining maqsadi ehtiyojmand oilalarni ogʻir hayotiy vaziyatlardan olib chiqish boʻladi. Buning uchun tuzilmalar yuzaga kelgan muammolarning sabablarini aniqlashadi va ularni hal qilish uchun mavjud imkoniyatlarni belgilashadi.

Bundan tashqari, «Saxovat va ko‘mak» jamg‘armasi mablag‘lari oilalarga, ularning ahvolini individual baholashdan kelib chiqib, manzilli tartibda ajratiladi.

Mirziyoyev 2023-yil iyun oyida «Aholiga sifatli ijtimoiy xizmat va yordam ko‘rsatish hamda uning samarali nazorat tizimini yo‘lga qo‘yish bo‘yicha kompleks chora-tadbirlar to‘g‘risida»gi qarorni imzolagan edi. Hujjat doirasida Ijtimoiy himoya milliy agentligi tashkil etildi.

Avvalroq, «Kursiv» O‘zbekiston ijtimoiy yordam so‘rab murojaat qilish uchun ishonch telefonini ishga tushirishni rejalashtirayotgani haqida e’lon qilgan edi.