Yaponiya iqtisodiy ahamiyat bo‘yicha uchinchi o‘rindan tushib ketdi

Yaponiya yalpi ichki mahsuloti 2023-yilning IV-choragida 0,4 foizga kamaydi. Bu haqda Yaponiya hukumati hisobotida aytildi. Shunday qilib, Yaponiya jahon iqtisodiyotlari orasida Germaniyaga uchinchi o‘rinni boy berdi.

O‘tgan yil oxirida Yaponiyaning nominal YaIM hajmi $4,2 trln , Germaniyaniki esa $4,5 trln oshdi.

Yaponiya iqtisodiyoti so‘nggi ikki chorakda past natijalar ko‘rsatdi va retsessiyaga tushib qoldi.

Salbiy holatga, xususan, yoqilg’i va oziq-ovqat narxlarining oshishi ta’sir ko‘rsatdi, bu esa xususiy iste’molning 0,2 foizga qisqarishiga olib keldi. E’tibor berish kerak, Yaponiya import qilinadigan yoqilg‘i va oziq-ovqat mahsulotlariga juda bog‘liq.

Bloomberg bilan suhbatlashgan ekspertlar Yaponiya iqtisodiyotining past ko‘rsatkichlaridan hayratda qolishdi. Iqtisodchi Atsushi Takedaning ta’kidlashicha, narxlar oshishining Yaponiyaga ta’siri kutilganidan ham katta bo‘lib chiqdi.

Avvalroq, «Kursiv» Yaponiya rasmiylari Markaziy Osiyo bilan munosabatlarni mustahkamlashni dolzarb vazifa deb bilishini e’lon qilgan edi.