Apple dasturchilar uchun sun’iy intellekt xizmatini ishlab chiqmoqchi

Apple dasturchilarga yordam berish uchun sun’iy intellekt (SI) vositasini ishga tushirmoqchi. Xizmat Microsoft’ning GitHub Copilot analogi bo‘ladi, deb yozadi Bloomberg.

Apple kompaniyasining yechimi SIni dasturlarni ishlab chiqishda ishtirok etish imkonini beradi. Bu kod yozishni ancha osonlashtiradi. Xizmatdan ilovalarni sinovdan o‘tkazishda ham foydalanish mumkin bo‘ladi.

Yangi mahsulot joriy yilda ishlab chiquvchilarga taqdim etilishi kutilmoqda.

Bloomberg manbalari, shuningdek, SI vositalari iOS operatsion tizimi – iPhone, iPad-da ishlaydigan qurilmalarga kiritilgani haqida xabar beradi. Shuningdek, Apple noutbuklarida sun’iy intellektning ba’zi funksiyalarini amalga oshirish rejalashtirilgan.

Avvalroq, «Kursiv» OpenAI matnni videoga aylantira oladigan servisni taqdim etganini e’lon qilgan edi.