Hozirda ijtimoiy tarmoqlarda respublika bankomatlarida kartadan pul yechganda 1,5 foiz komissiya olinayotgani haqida mish-mishlar tarqaldi. «Kursiv» bu xabarga oydinlik kiritish uchun O‘zR banklariga murojaat qildi.
Hamkorbank vakili javobiga ko‘ra, bankomatlarda naqd pul yechish xizmati 1 foizligicha qoldi. Ipak yo‘li banki va Ipoteka bank ham 1 foizdan komissiya oladi va bu mish-mishni rad etadi.
Tenge bank xodimi aytishicha, Uzcard va Humo kartalari uchun komissiya 1 foiz, Mastercard uchun foizsiz (oyiga 30 milliongacha).
Davr bankda ham 1 foiz. Ammo karta ham, bankomat ham Davr bankga tegishli bo’lsa, komissiya kamroq (0,5%) bo’lishi mumkin.
SQB esa kartalardan naqd pul yechish summadan 1 foizni, xalqaro toʼlov kartalaridan (shu jumladan, kobeydjing bank kartalari) naqd pul yechish summadan 1,5 foizni tashkil etadi. Biroq, «Kursiv»ning ma’lumotlariga ko‘ra, O‘zbekistonning boshqa banklarida ham kobrend kartalari (masalan, Uzcard va UnionPay) uchun bunday komissiya mavjud.
Masalan, «Bankir» Telegram kanalida quyidagilar qayd etilgan: «Tarqatilayotgan surʼatda pul katta ehtimol bilan VISA yoki MasterCard kabi xalqaro kartalardan yechilgan. Hech qaysi bankda hozircha bankomatlarda komissiya miqdori oshgani eʼlon qilingani yo‘q».
O‘zR Markaziy Banki naqd pul yechib olish uchun komissiya oshirilishi haqidagi xabarga hozircha izoh bermadi.
Avvalroq, «Kursiv» Humo va Uzcard integratsiyasi birinchi chorak oxirigacha yakunlanishini e’lon qilgan edi.
