O‘mon kompaniyasi O‘zbekistonda konserva zavodi qurmoqchi

O‘monning Atyab Investments kompaniyasi O‘zbekistonda meva-sabzavot konserva zavodi qurish niyatida, dedi tashkilot direktori Haysam al-Fann O‘zbekiston elchisi Abdusalom Xatamov bilan uchrashuvda.

Kompaniya rahbarining so‘zlariga ko‘ra, Atyab Investments oziq-ovqat mahsulotlari, meva va sabzavotlarni qadoqlash uchun uskunalar yetkazib berishga tayyor. Umuman olganda, kompaniya ushbu loyihalarga $4 million sarflashni rejalashtirmoqda.

Xaytham al-Fann mart oyida O‘zbekistonga tashrif buyurib, vazirlik va idoralar bilan investitsiya loyihalarini muhokama qiladi.

Atyab Investments 1977-yilda O‘mondagi oziq-ovqat sanoati sohasida birinchi ochiq kompaniya sifatida tashkil etilgan. Avvalroq u Toshkent viloyatida eksport qilinadigan oziq-ovqat mahsulotlarini xalqaro sertifikatlash bo‘yicha laboratoriya va o‘quv markazini tashkil etishga $2 million sarmoya kiritgan edi.

Avvalroq Misrning Nile Sugar kompaniyasi Jizzax viloyatida lavlagi yetishtirish va shakar ishlab chiqarishga yarim milliard dollar sarmoya kiritishni rejalashtirayotgani xabar qilingandi.