23-fevral kuni O‘zbekistonning ayrim hududlarida yog‘ingarchilik bo‘ladi
eʼlon qilindi
Qor ko‘chishi xavfi bor
Bugun, 23-fevral kuni havo bulutli bo‘lishi mumkin, respublikaning ayrim hududlarida yog‘ingarchilik kutilmoqda. Ertalab va kechasi tuman tushishi ehtimoli bor. Havo harorati 2-7 iliq bo‘ladi, deb xabar berdi O‘zgidromet.
Toshkent shahrida havo biroz bulutli bo‘ladi, kunning ikkinchi yarmida yog‘ingarchilik bo‘lishi ehtimoli bor. Havo harorati kunduzi 2-4 iliq bo‘ladi, kechasi esa 0-2 daraja sovuq.
Respublikamizning tog‘li hududlarida ham havo bulutli bo‘ladi, ba’zi joylarda qor yog‘adi. Yo‘llarda yaxmalak kuzatiladi va qor ko‘chishi xavfi bor. Havo harorati kunduzi 0-5 daraja sovuq, kechasi esa 5-10 sovuq bo‘ladi.
