Armaniston KXShTdagi ishtirokini to‘xtatdi

Armaniston Ozarbayjonni urushga tayyorgarlik ko‘rishda ayblab, Kollektiv Xavfsizlik Shartnomasi Tashkilotidagi (KXShT) ishtirokini to‘xtatganini e’lon qildi. Bu haqda bosh vazir Nikol Pashinyan France 24 telekanaliga bergan intervyusida ma’lum qildi.

Pashinyanning so‘zlariga ko‘ra, Moskva KXShTda asosiy kuchga ega va Armanistonning tashkilotdagi ishtiroki to‘xtatilgan. Biroq, Rossiya harbiy bazasini mamlakatda saqlab qolish masalasi «kun tartibida emas».

Armaniston bosh vazirining fikricha, Ozarbayjon tinchlik shartnomasi tuzishdan ko‘ra yangi hududlarni egallab olishni afzal ko‘radi. Mamlakatlar o’rtasidagi inqirozni hal qilish va’dalari Ozarbayjonning harakatlariga ziddir.

KXShT kollektiv xavfsizlik sohasidagi xalqaro tashkilot bo‘lib, uning tarkibiga bir qancha sobiq Sovet davlatlari kiradi. O‘zbekiston 1992-1999 va 2006-2012-yillarda KXShTga a’zo bo‘lgan.

Avvalroq «Kursiv» fevral o‘rtalarida Ozarbayjon va Armaniston bir-birini chegara hududlarini o‘qqa tutganlikda ayblaganini yozgan edi. Bu 2023-yil kuzida Tog‘li Qorabog‘dagi janglardan keyin Boku va Yerevan o‘rtasidagi munosabatlarning birinchi jiddiy yomonlashuvi bo‘ldi.