O‘zbekistonning IT-kompaniyalariga jahon bozoriga chiqish xarajatlarining yarmi qoplanadi
O‘zbekistonda mahalliy IT-kompaniyalarning jahon bozoriga chiqishiga ko‘maklashuvchi Local to Global loyihasi amalga oshirish boshlanadi, deb xabar berdi mamlakat prezidenti Shavkat Mirziyoyev matbuot xizmati.
Loyihaga ko‘ra, IT-kompaniyalar faoliyatini tashqi bozorlarga kengaytirish xarajatlarining 50 foizigacha qoplanadi. Gap xalqaro ko‘rgazmalarda qatnashish va xorijliklarni ishlashga taklif qilish haqida bormoqda.
Bundan tashqari, mamlakatimiz hududlariga Zero Risk IT-eksportchi tashkilotlarni jalb qilish dasturini amalga oshirish rejalashtirilmoqda. Ularga bir yilgacha foydalanilmayotgan davlat obyektlari, texnika va jihozlar beriladi.
Eslatib o‘tamiz, O‘zbekistonda IT-park faoliyat ko‘rsatadi. Uning rezidentlari soni 1,7 ming nafarga yetdi, bu korxonalarda 26 ming xodim ishlaydi. 2030-yilga borib IT-park negizida faoliyat yurituvchi kompaniyalar soni oʻn barobar oshishi kutilmoqda.
Avvalroq, «Kursiv» O‘zbekiston hukumati «raqamli inklyuzivlik» loyihasini e’lon qilgani haqida yozgan edi. Uning doirasida yoshlar, ayollar va imkoniyati cheklangan shaxslar IT-sohasiga jalb qilinadi.
