Isroil Falastin aholisini evakuatsiya qilish rejasini ishlab chiqdi

Isroil mudofaa kuchlari mamlakat hukumatiga falastinlik fuqarolarni Rafah shahridagi urush hududidan evakuatsiya qilish rejasini taqdim etdi, deb xabar berdi The Times of Israel nashri.

Shuningdek, Isroil vazirlar mahkamasi G‘azo sektori aholisiga «talonchilikning oldini olish uchun» insonparvarlik yordami yetkazilishini ma’qullagani ma’lum bo‘ldi.

Isroil shaharda HAMAS borligi sababli Rafahga harbiy hujum uyushtirish rejalarini ilgari surmoqda. Xalqaro gumanitar tashkilotlar bu harakatdan bir necha sabablarga ko‘ra Isroil armiyasini ogohlantirishgan. Birinchidan, o‘n minglab falastinliklar aholi punktidan boshpana topishdi. Ikkinchidan, insonparvarlik yordamining katta qismi Rafahga to‘g‘ri keladi.

Kecha kechasi Isroil bosh vaziri Binyamin Netanyaxu, agar HAMAS bilan vaqtinchalik sulh bo‘yicha kelishuvga erishilsa, Rafahdagi harbiy operatsiya qoldirilishi mumkinligini aytdi.

Avvalroq, «Kursiv» Qo‘shma Shtatlar Birlashgan Millatlar Tashkiloti Xavfsizlik Kengashiga G‘azo sektorida vaqtinchalik o‘t ochishni to‘xtatishga chaqiruvchi rezolyutsiya loyihasini taklif qilganini e’lon qilgan edi.