Qozogʻiston va Oʻzbekiston mintaqada qirgʻiz-tojik chegarasidagi kabi mojarolarning takrorlanishiga yoʻl qoʻymaydi
Qozogʻiston va Oʻzbekiston ittifoqchilik shartnomasi doirasida bloklar va ittifoqlar yoki bir-biriga qarshi qaratilgan harakatlarda ishtirok etmaslik majburiyatini oladi, dedi Qozogʻiston parlamentining xalqaro ishlar, mudofaa va xavfsizlik boʻyicha qoʻmitasi raisi Oygul Kuspan Inform.kz bilan intervyuda.
«Esingizda boʻlsa, 2022-yilda qirgʻiz-tojik chegarasida ikki davlat harbiy xizmatchilari oʻrtasida nizo kelib chiqqan va odamlar halok boʻlgan edi. Xuddi shunday vaziyatlarda Qozogʻiston va Oʻzbekiston zudlik bilan maslahatlashib, tinchlikni tiklashga qanday yordam berish boʻyicha kelishib oladi», — deydi siyosatchi.
Toshkent va Ostona shartnomani imzolashga turtki boʻlgan sabablar uzoq madaniy va tarixiy hamjamiyat, shuningdek, din, oʻzbek va qozoq tillarining oʻxshashligi, shu bilan birga, soʻnggi besh yilda ikki davlat oʻzaro hamkorlikni yanada kuchaytirdi.
Kuspaning qoʻshimcha qilishicha, tomonlar prezidentlar darajadagi oliy davlatlararo kengashini tuzadi. Birinchi uchrashuv 8-avgust kuni Ostona shahrida boʻlib oʻtishi kutilmoqda.
Eslatib oʻtamiz, Oʻzbekiston va Qozogʻiston 2022-yilning oxirida ittifoqchilik shartnomasini imzolagan edi. Hujjatni Oʻzbekiston respublikasi prezidenti Shavkat Mirziyoyev 2023-yil dekabr oyida ratifikatsiya qilgan edi. Qozogʻiston Respublikasi yaqin kelajakda shartnomani ratifikatsiya qilishni rejalashtirmoqda.
Avvalroq «Kursiv» Oʻzbekiston va Qozogʻiston 2024-yilda Sanoat kooperatsiyasi markazini qurishni boshlagani haqida xabar bergan edi.
