O‘zbekistonda sug‘urta olish osonlashadi

O‘zbekistonda aholi va biznes uchun sug‘urta xizmatlaridan foydalanish osonlashdi. Bu haqda prezident Shavkat Mirziyoyev qaror qabul qildi.

Endilikda sug‘urta shartnomalari va sug‘urta polislarini ro‘yxatdan o‘tkazish onlayn tizimda elektron shaklda amalga oshiriladi. Vazirlik va idoralarning ma’lumotlar bazalarini integratsiyalash orqali shartnomalar tuzish tartibi soddalashtiriladi.

 Hujjatda sug‘urta tashkilotlari faoliyatini baholash tizimi joriy etilgan. Bundan tashqari, ko‘chmas mulkni texnogen va tabiiy ofatlardan majburiy sug‘urta qilish joriy etiladi.

Avvalroq Kursiv «O‘zagrosug‘urta» AJ tomonidan 2023-yil yakuniga ko‘ra 393,1 mlrd so‘mlik sug‘urta mukofotlari yig‘ilgani, bu o‘tgan yilga nisbatan 1,2 baravarga ko‘pligi haqida xabar bergan edi.