![](https://cdn-uz.kursiv.media/wp-content/uploads/2024/03/depositphotos_142558991_xl-1024x683.jpg)
Bugun, 5-mart kuni havo bulutli bo‘lishi mumkin, respublikada quruq havo kuzatiladi. Ba’zi joylarda tuman tushishi ehtimoli bor. Havo harorati 8-13 iliq bo‘ladi, deb xabar berdi O‘zgidromet.
Toshkent shahrida havo bulutli bo‘ladi, biroq yog‘ingarchilik kutilmaydi. Ertalab va kechasi tuman tushadi. Harorat kunduzi 7-12° iliq, kechasi esa 0-2° sovuq bo‘ladi.
Respublikaning tog‘li hududlarida havo bulutli bo‘ladi. Qor ko‘chishi xavfi bor. Havo kunduzi 0-5 daraja iliq bo‘ladi, kechasi 5-10 sovuq bo‘ladi.