«Gazprom» Oʻzbekistonga ming kubometr gaz yetkazib bergani uchun $20 dan $22 gacha foyda oladi, bu haqda iqtisodiyot boʻyicha bosh direktor, Energetika va moliya instituti iqtisodiyot boʻlimi boshligʻi Sergey Kondratyev «Kommersant»ga maʼlum qildi.
«Gazprom»ning mamlakatimizga gaz yetkazib berish rentabelligi Oʻzbekistonda eksport bojlarining bekor qilinishi, shuningdek, kompaniyaning Oʻzbekistonda gazni qayta ishlash loyihalarida ishtirok etishi tufayli oshishi mumkin.
Eslatib oʻtamiz, avvalroq Rossiya gazining Qozogʻiston orqali Oʻzbekistonga tranziti 2026-yildan boshlab toʻrt baravarga, yaʼni 11 kubometrgacha oshishi mumkinligi maʼlum boʻlgan edi.
lekin Kondratyevning fikricha, Oʻzbekistonda gaz qazib olishning pasayishi fonida 11 mlrd. kubometr Rossiya Federatsiyasidan olib kelinayotgan yonilgʻi Toshkentning Xitoyga gaz tranziti yoki almashinuviga boʻlgan ehtiyojini qoplamasligi mumkin.
«Mening fikrimcha, Oʻzbekiston 2030-yilda Xitoyga 5–6 milliard kubometr eksport qilish uchun import hajimini 15-18 milliard kub metrgacha oshirishi kerak» — dedi ekspert.
Bu koʻrsatkichlarga erishish uchun Toshkent gazni nafaqat Rossiyadan, balki qoʻshni Turkmanistondan ham sotib olishi kerak.
Statistika agentligi maʼlumotlariga koʻra, 2023-yilda Oʻzbekiston xorijdan $694,9 millionlik gaz sotib olgan boʻlsa, $529,9 millionlik gaz eksport qilgan. Oʻtgan yili Oʻzbekiston korxonalari tomonidan 46 milliard kubometr gaz ishlab chiqarilgan. Bu 2022-yilga nisbatan 9,4 foizga kamdir.
ta’kidlash joizki, mamlakat Xitoyga gaz eksportini kamaytirdi. 2023-yilda bu koʻrsatkich $563,54 millionni tashkil etdi, bu esa 2022-yilga nisbatan ikki baravar kam.
Avvalroq «Kursiv» Markaziy Osiyo mamlakatlari gaz taʼminoti va taklifida nomutanosiblikka duch kelayotgani haqida maʼlum qilgan edi.
