Bugun, 8-mart kuni soat 16:48 da «Toshkent metropoliteni»ning «Chilonzor» bekatida poyezd harakatni toʻxtatib, yoʻlovchilarni tushirib yubordi. Holat yuzasidan «Toshkent metropoliteni» rasmiy munosabat bildirdi.
«Chilonzor» bekatidan joʻnashi kerak boʻlgan 23-sonli poyezdda kompressorga havo yetkazib berishda qisqa muddatli uzilishlar yuz berdi”, — deb ma’lum qildi «Toshkent metropoliteni».
Poyezd texnik koʻrikdan oʻtkazishga joʻnatildi, «Toshkent metropoliteni»dagi poyezdlar belgilangan jadval boʻyicha harakatlanmoqda.
Avvalroq «Kursiv» Toshkent metropolitenining yangi bekatlari 11-martdan ishlay boshlashi haqida xabar bergan edi.
