Markaziy bank fevral oyida uchta bankni jarimaga tortdi

O‘zR Markaziy bankining Bank nazorati qo‘mitasi fevral oyida 3 ta bankni jarimaga tortdi, deb xabar berdi regulyator matbuot xizmati.

Bunga moliyaviy tashkilotlar tomonidan Markaziy bankning tartibga solish standartlariga rioya qilmayotgani sabab bo‘ldi. Bundan tashqari, qo‘mita beshta bank va ipoteka kreditini qayta moliyalash kompaniyasiga ogohlantirish berdi.

Umuman olganda, o‘tgan oyda regulyator tomonidan 31 ta masala ko‘rib chiqildi, ulardan 18 tasi ruxsatnomalarni rasmiylashtirish va berish bilan bog‘liq.

Avvalroq «Kursiv» mart oyi boshida Markaziy bank Apex Moliyani mikromoliya tashkilotlari reestriga kiritganini yozgan edi.