Amerikaning CNBC telekanali maqolasiga ko‘ra, elektr transport vositalariga bo‘lgan qiziqish global miqyosda pasaymoqda va bozor yanada turli yo’nalishlarga qaytmoqda.
Ford elektromobillar bo‘limining bosh operatsion direktori Marin Gjajaning so’zlariga ko’ra, 2021-2021 yillarda elektr transport vositalariga qiziqishning ortishi vaqtinchalik edi.
Qo‘shma Shtatlardagi eng yirik elektr avtomobil ishlab chiqaruvchi Tesla kompaniyasi rahbari Ilon Maskning fikricha, 2024 yilda savdo o’sish sur’atlari «sezilarli darajada past bo’lishi mumkin».
Hozirda eng yirik avtomobil ishlab chiqaruvchilari (Ford Motor, General Motors, Mercedes-Benz, Volkswagen, Jaguar Land Rover va Aston Martin) elektromobil ishlab chiqarish rejalarini qisqartirmoqda yoki keyinga qoldirmoqda.
CNBC ma’lumotlariga ko’ra, bozor aralash taklifga qaytadi – gazli avtomobillar, gibridlar va to’liq elektr variantlari.
«Elektr kelajagi nihoyat keladi, lekin ilgari kutilganidan ancha sekinroq sur’atda», deb xulosa qilishdi jurnalistlar.
Eslatib o‘tamiz, fevral oyi oxirida Amerikaning Apple texnologik kompaniyasi o‘n yillik ishlanmasidan so‘ng elektromobil yaratish loyihasini yopgan edi.
O‘zbekistonda elektr yo‘lovchi avtomobillari savdosi yil davomida uch barobarga oshgani haqida avval xabar berilgan edi.
