O‘zbekistonda umumiy ovqatlanish korxonalari byudjetga to‘lovlarni 18 foizga oshirdi

O‘zbekistonda umumiy ovqatlanish korxonalari 2023-yilda 999,4 mlrd so‘m soliq to‘lagan va yillik o‘sish 18 foizni tashkil etgan, deb xabar bermoqda Soliq qo‘mitasi.

Ushbu sohada faoliyat yuritayotgan yigirmata yirik soliq to‘lovchi respublika g‘aznasiga 170,7 mlrd so‘m mablag‘ kiritganini qo‘mita qayd etdi.

O‘tgan yil davomida soliq tushumlarining asosiy qismi mamlakatimizda KFC brendini taqdim etgan International Foodchain kompaniyasi tomonidan ta’minlandi – 59,8 mlrd so‘m.

 «Evos» fast-fud restoranlari tarmog‘iga egalik qiluvchi «Mak Food Servis» korxonasi respublika byudjetiga 43,8 mlrd so‘m to‘ladi. Uchinchi o‘rinda 15,1 mlrd so‘m bilan Euro Asia Leader Service.

Avvalroq «Kursiv» 2023-yilda davlat byudjetiga soliq tushumlaridan 166 trillion so‘m tushgani haqida yozgan edi.