O‘zbekiston Gambiya bilan diplomatik munosabatlar o‘rnatdi
eʼlon qilindi
Diplomatlar 14-mart kuni qo‘shma kommyunike imzoladilar
O‘zbekiston Gambiya bilan diplomatik munosabatlar o‘rnatdi. 14-mart kuni Nyu-York shahrida O‘zR va Gambiyaning BMTdagi doimiy vakillari Ulug‘bek Lapasov va Lamine Dibba tomonidan qo‘shma kommyunike imzolandi.
Ikki mamlakat diplomatlari o‘zaro manfaatli hamkorlik yo‘nalishlarini belgilashga kelishib oldilar.
Gambiya O‘zbekiston bilan diplomatik aloqalar o‘rnatgan 148-davlat bo‘ldi.
Eslatib o‘tamiz, mart oyi boshida O‘zbekiston Beliz bilan ham diplomatik munosabatlar o‘rnatgan edi.
