Surxondaryo viloyatining Qumqo‘rg‘on tumanida sel oqimi aholining uylarini vayron qilgani haqida ijtimoiy tarmoqlarda xabar tarqaldi. Bunga, kuchli yog‘ingarchilik tufayli Azlarsoy soyining toshib ketishi sabab bo‘ldi.
Viloyat hokimligidan ma’lum qilishlaricha, «Elobod» va «Azlarsoy» mahallalaridagi 100 dan ortiq xonadonning hovlisiga yomg‘ir suvi to‘lgan.
360 nafar aholi xavfsiz joylarga evakuatsiya qilindi. Toshqin oqibatida hech kim jabrlanmadi, deya aniqlik kiritdi viloyat hokimligi.
