O‘zbekistonda ikki barobar ko‘p Chery avtomobillari ishlab chiqarilgan

2024-yilning yanvar-fevral oylarida O‘zbekistonda 2 mingdan ortiq Chery avtomobili ishlab chiqarilgan. Bu haqda Statistika agentligi ma`lumot berdi.

Bu hajm hali UzAuto Motors tomonidan ishlab chiqarilgan Chevrolet avtomobillarinikidek katta emas. Biroq O‘zbekistonda Chery ishlab chiqarish 2023-yilning shu davriga nisbatan ikki barobarga oshgan. Taqqoslash uchun: yanvar-fevral oylarida UzAuto Motors tomonidan ishlab chiqarilgan Cobalt soni 7,7 dan 16 mingtaga, Tracker modeli 1,1 dan 6,5 mingga, Onix 112 donadan 5,4 mingtaga ko’tarildi.

Eslatib o‘tamiz, Chery Jizzax viloyatida 2021-yil bahorida ochilgan ADM Jizzax zavodida yig‘iladi. O’sha yildan boshlab kichik tugunli yig’ish (CKD) texnologiyasidan foydalangan holda mashinalar ishlab chiqarish uchun yangi maydonda qurilish boshlandi. Hozirgacha respublikada Chery yirik tugunli yig’ish (SKD) usulida yig’iladi.

Avvalroq respublika BYD elektromobillari importini cheklashi mumkinligi xabar qilingandi. Xitoyning BYD kompaniyasi vakili Ivan Sao «Kursiv»ga O‘zR prezidenti Shavkat Mirziyoyevning yaqinda qabul qilingan, iqlim va yo‘l sharoitiga mos kelmasligi sababli importni cheklash haqida so‘z yuritilgan qaroriga izoh berdi.

Avvalroq «Kursiv» fevral oyida O‘zbekiston bozorida avtomobillar savdosi nima uchun kamaygani haqida yozgan edi.