Janubiy Koreya mavsumiy ishchilarni xorijliklarni moslashtirish dasturiga kiritadi
Janubiy Koreya Adliya vazirligi xorijliklarning erta moslashish dasturini 2,5 ming mavsumiy ishchi bilan kengaytiradi, deb xabar bermoqda KBS News portali.
Dastur 2024-yilning birinchi yarmida ishga tushiriladi. Migrantlarning ona tillarida koreys qonunlari va favqulodda vaziyatlarda harakat qilish qoidalari bilan tanishtirish uchun ma’rifiy tadbirlar rejalashtirilgan.
Ilgari dastur etnik koreyslar, xorijlik san’atkorlar va talabalarni qamrab olgan.
2024-yilda O‘zbekiston 100 ming fuqarosini Janubiy Koreyaga ishlash uchun yuborishni rejalashtirmoqda. Ulardan 22,2 ming kishi E-9 ish vizasi bilan korxonalarda ishga joylashish istagida. Yana 6,8 ming odam qishloq xo‘jaligiga jalb etiladi.
Yonhap agentligi maʼlumotlariga koʻra, 2023-yilda Janubiy Koreyada 87,6 ming, 2022-yilda 69 ming nafar Oʻzbekiston fuqarosi istiqomat qilgan.
Avvalroq «Kursiv» Seul Milliy fan va texnologiya universiteti O‘zbekiston fuqarolari uchun magistratura dasturini yo‘lga qo‘yishini yozgan edi.
