Rosatom: Biz Oʻzbekiston bilan AES qurish boʻyicha muzokaralarni muvaffaqiyatli olib bormoqdamiz
«Rosatom» va Oʻzbekiston oʻrtasida atom elektr stansiyasini (AES) qurish boʻyicha muzokaralar muvaffaqiyatli kechmoqda, dedi korporatsiya bosh direktorining birinchi oʻrinbosari Kirill Komarov «TASS» agentligiga.
«Men hech kimni shoshiltirmaslik uchun har doim bunday holatlarda sanalarni aytmaslikka harakat qilaman, chunki bu juda muhim qaror. Bu qaror Oʻzbekistonning yaqin 100 yillikdagi maʼlum bir vaziyatini belgilab beradi», — dedi u.
Komarov tafsilotlarni muhokama qilish uchun koʻproq vaqt sarflash yaxshiroq ekanligini taʼkidladi. Shu bilan birga, u «Rosatom» istalgan vaqtda loyihani amalga oshirishni boshlashga tayyorligini qoʻshimcha qildi.
Komarovning soʻzlariga koʻra, Oʻzbekistonda suv tanqisligi sharoitida atom elektr stansiyalarining anʼanaviy gradirnyalar (sovitish uchun zarur boʻlgan qurilmalar) quruqlariga almashtiriladi. Bunday texnologiyalardan Vengriya yadroviy olimlari foydalanadi.
Oʻzbekistonda birinchi atom elektr stansiyasini qurish loyihasida butun dunyo mutaxassislari, jumladan, Fransiya va Janubiy Koreya mutaxassislari ishtirok etishlari mumkin.
2023-yil may oyida Rossiya TIV Oʻzbekiston va «Rosatom» atom elektr stansiyasini qurish shartlari boʻyicha amalda kelishib olganini maʼlum qilgan edi. Elektr stansiyasi Jizzax viloyati, Tuzkon koʻli yaqinida qurilishi kutilmoqda.
Avvalroq «Kursiv» «Rosatom» Oʻzbekistonda kichik atom elektr stansiyalarini qurishni rejalashtirayotgani haqida yozgan edi.
