O‘zbekistonda «Barqaror o‘rmon landshaftlarini tiklash» loyihasi amalga oshirilmoqda. Mamlakat prezidenti Shavkat Mirziyoyev tegishli qarorni imzoladi.
Loyihaning umumiy qiymati $205,45 mln, O‘zbekiston ulushi $52,45 mln, qolgan mablag‘ xalqaro tashkilotlar tomonidan ajratiladi.
Loyiha olti yilga mo’ljallangan (2023-2028 yillar).
Hujjatga ko‘ra, O‘rmon xo‘jaligi agentligi qoshida Xalqaro taraqqiyot assotsiatsiyasi ishtirokida loyihani amalga oshirish bo‘yicha guruh tashkil etiladi. Tuzilmaga yuridik shaxs maqomi beriladi.
Loyihani O‘zbekiston Ekologiya, atrof-muhitni muhofaza qilish va iqlim o‘zgarishi vazirligi hamda O‘rmon xo‘jaligi agentligi amalga oshiradi hamda uni amalga oshirish muddatlari, muvofiqlashtirish va boshqarish uchun javobgar bo‘lishadi. Bundan tashqari, vazirlik va agentlik jalb qilingan mablag‘lar va grantlarning sarflanishi hamda ularning o‘z vaqtida qaytarilishi ustidan nazoratni boshlashadi.
Loyihaning maqsadlari qatorida: Oʻzbekistonda oʻrmon maydonlarini kengaytirish, moddiy-texnik bazasini mustahkamlash va ekoturizmni rivojlantirish. Olti yil mobaynida o‘rmonlarni tiklash va muhofaza qilish jarayoniga innovatsiyalar va axborot texnologiyalarini joriy etish rejalashtirilgan.
Buning natijasida 175 ming gektar o‘rmon va 38 ming gektar yaylov tiklanadi, 19 ming gektar qishloq xo‘jaligi va 5 ming gektar sanoat ko‘chatlari barpo etiladi, 63 kilometr ekologik yo‘laklar tashkil etiladi va rivojlantiriladi.
Eslatib oʻtamiz, 2022-yil yozida Jahon banki Ijrochi direktorlar kengashi Oʻzbekistonga oʻrmonlarni tiklash loyihasi uchun imtiyozli kredit ajratish toʻgʻrisidagi qarorni maʼqullagan edi.
