Toshkent shahrida savdo markazlari, bog‘lar, bozorlar va odamlar ko‘p bo‘lgan boshqa joylarda xavfsizlik choralari kuchaytirildi. Bu haqda Toshkent shahar ichki ishlar bosh boshqarmasi matbuot xizmati xabar berdi.
Suratlarda xavfsizlik kuchlari toʻliq harbiy kiyimda va avtomatlar bilan qurollanganini koʻrish mumkin, «Tigr» zirhli mashinalari ba’zi obyektlarga olib kelingan.
Avvalroq «Kursiv» 22-mart kuni Moskva viloyatidagi «Crocus City Hall» konsert zalida bir guruh qurollangan shaxslar otishma boshlaganini yozgan edi. Keyinroq Bryansk viloyatida jinoyat sodir etishi mumkin bo‘lgan bir necha shaxs qo‘lga olindi.
