Yil oxiriga qadar Rossiyaning veterinariya va fitosanitariya nazorati federal xizmati (Rosselxoznadzor) bir qancha mamlakatlarda qishloq xoʻjaligi oʻsimliklari urugʻini sinovdan oʻtkazuvchi laboratoriyalarda audit oʻtkazadi. Ulardan biri O‘zbekiston bo‘ladi, deb xabar berdi «Interfaks» agentligi boshqarma boshlig‘i Sergey Dankvertga tayanib.
Rossiya qishloq xo‘jaligi uchun mahsulotlarni yetkazib beradigan mamlakatlardagi laboratoriyalarni tekshirish zarurati mamlakatning «Urug’chilik to‘g‘risida» gi yangi qonunida nazarda tutilgan. 1-sentabrdan boshlab Rossiyada bunday tartibdan bosh tortgan davlatlardan urug‘ olib kirish taqiqlanadi.
Audit O‘zbekistondan tashqari Chili, Ozarbayjon, Tailand, Turkiya va Argentinadagi laboratoriyalarda o‘tkazilishi shart. Rossiyalik mutaxassislar allaqachon to‘qqiz mamlakatda 33 ta xo‘jaliklarni tekshirishgan. To’rt davlat protseduradan bosh tortdi.
«Kursiv» avvalroq O‘zbekiston prezidenti Shavkat Mirziyoyev qishloq xo‘jaligi mahsulotlari yetishtirish va eksport qilish hajmini oshirish zarurligini aytgani haqida e’lon qilgan edi.
