Darknet daromadlari 2023-yilda qariyb 25 foizga oshdi

Darknetda faoliyat yurituvchi bozorlarning umumiy daromadi 2023-yilda $1,7 mlrd yetdi. Bu o‘tgan yilgi ko‘rsatkichdan deyarli 25 foizga ko‘p, deya aniqladi Chainalysis tahliliy kompaniyasi.

Tadqiqotchilarning fikricha, Hydra yirik internet-doʻkonining 2022-yilda yopilishidan keyin bozor deyarli tiklangan. Garchi hech qanday darknet Hydra darajasiga yetmagan boʻlsa ham, daromadlar tiklanmoqda.

O‘tgan yili kripto to‘lovlarini soddalashtirgan va kuchli marketing strategiyalaridan foydalangan darknet bozorlari raqobatdosh ustunliklarga ega bo‘lishdi. Misol uchun, yangi do‘konlardan biri Moskvadagi jamoat joylarida 3D reklama bilbordini joylashtirgan edi.

Chainalysis ta’kidlaganidek, Hydra yopilgandan keyin darknet yanada parchalanib ketdi. Ilgari ushbu bozorda bitta yetakchi o‘yinchi bo‘lgan, lekin u yopilgandan keyin yangi peshqadam paydo bo‘ldi. Biroq, endi vaziyat o‘zgardi, bozorlar ixtisoslashgan va ma’lum turdagi noqonuniy xizmatlarga moslashtirilmoqda.

Avvalroq «Kursiv» O‘zbekiston internetda giyohvand moddalarni sotish uchun jazoni kuchaytirmoqchi ekanini yozgan edi.