Bahor – sayohat qilish uchun eng yaxshi vaqt. Bundan tashqari, bahorda ko’pincha turli festivallar, yarmarkalar va madaniy tadbirlar o’tkaziladi, bu sayohatni yanada qiziqarli qiladi. «Kursiv» nashri xorijdagi tadbirlar dasturini tuzdi, ular aprel va may oylarida O‘zbekiston fuqarolari orasida eng mashhur yo‘nalishlarda bo‘lib o‘tadi.
Tailandda «ho’l» Yangi yil
Songkran o‘zining asosiy an’anasi – suv sepish tufayli dunyoga mashhur bo‘ldi. Dastlab, marosimning asosiy maqsadi yomg‘irni chaqirish edi, bu guruch hosilini kafolatladi. Buddizm ta’siri ostida suv yomon ishlardan poklanish ramzini anglatadi.
Ushbu bahorda Janubi-Sharqiy Osiyoga sayohat qilishni rejalashtirayotgan plyaj ishqibozlari Yangi yilni ikkinchi marta nishonlash imkoniyatiga ega bo‘lishadi. 13-14 aprel kunlari bayram Tailand, Bangladesh, Myanma, Nepal, Maldiv orollari va Shri-Lankada nishonlanadi. Masalan, Tailand Yangi yili – Songkran – eng mashhur ekzotik Yangi yil bayramlaridan biri hisoblanadi.
BAA’da Ramazon
10-aprel kuni Birlashgan Arab Amirliklarida tashrif buyurmoqchi bo‘lganlar muqaddas Ramazon oyi tugashini va shunga mos ravishda Qurbon hayitini nishonlashga ulguradilar. Bu yil hayit 10-aprelda, aniqrog‘i 9-apreldan 10-aprelga o‘tar kechasiga to‘g‘ri keladi. Bu bayramni qarindoshlari yoki qo‘shnilari bilan nishonlashga odatlangan O‘zbekistondan farqli o‘laroq, BAAda keng ko‘lamli ko‘ngilochar tadbirlar tashkil etiladi. Ko‘plab shou-dasturlar, konsertlar va mahorat darslaridan tashqari, ushbu davrda savdo markazida katta chegirmadagi sotuvlar o‘tkaziladi va mehmonxonalarda maxsus takliflar beriladi.
Dubayda qayerga borish kerak
13-aprel kuni Dubayda Elrow XXL texno musiqa festivali – haqiqiy ochiq osmon ostidagi raqs karnavali bo‘lib o‘tadi. Tadbir Dubai Media City Amfiteatrda bo’lib o’tadi. Ushbu karnaval Barselonada paydo bo’lgan va allaqachon 34 mamlakatning 84 shahrida minglab tomoshabinlarning sevimli tadbiriga aylangan. Bu yil tadbirning maxsus mehmoni avstraliyalik musiqiy prodyuser Fisher bo’ldi.
11-may kuni Dubayda yana bir yirik musiqiy tadbir – niderlandiyalik DJ va prodyuser Martin Garriksning konserti bo‘lib o‘tadi. Ochiq osmon ostidagi konsertni dunyodagi eng mashhur DJ va raqs musiqasi ijrochilaridan biri boshqaradi.
Har yili aprel oyida Istanbul ko’plab gullar bilan qoplangan bog‘ga o‘xshaydi – 1-apreldan 30 -aprelgacha lolalar festivali bo‘lib o‘tadi. Bu dunyoning turli burchaklaridan minglab sayyohlarni o‘ziga tortadigan yorqin va hayajonli voqea. Istanbulning barcha markaziy bog‘larida mahalliy bezaklar ko‘rinishida ekilgan gullar paydo bo‘ladi.
Abu-Dabida muz va olov
Abu-Dabida dam oluvchilar afsonaviy Cirque du Solei (Sirk Dyu Soley) Crystal ice shousini tomosha qilish imkoniga ega bo‘lishadi. «Crystal» shousi shunchaki sirk spektakli emas, balki haqiqiy «muz va olov bilan akrobatik mashqlar » ijro etilishi bilan mashhur. Shouni 26-apreldan 5-mayga qadar Etihad Arenada ko‘rish mumkin.
Avvalroq «Kursiv» Maldiv orollarida Navro‘zda dam olish o‘zbekistonliklarga qanchaga tushishini e’lon qilgan edi.
