Qarshida fuqaro 238,9 million so‘mlik elektr energiyasini mayning yo‘li bilan talon-toroj qildi

Qashqadaryo viloyatida huquq-tartibot idoralari xodimlari tomonidan noqonuniy mayning-ferma aniqlandi, deb xabar berdi Energetika vazirligi matbuot xizmati.

Vazirlik maʼlumotlariga koʻra, Qarshi shahridagi Oydin mahallasida yashovchi fuqaro 11 ta mayning inshootini elektr tarmogʻiga noqonuniy ulagan. Yetkazilgan zarar miqdori 238,9 million so‘mni tashkil etdi.

Eslatib o‘tamiz, mayning ruxsatnomasini olish uchun 150 ta asosiy hisoblangan qiymat (BVR) yoki 51 million so‘mlik litsenziya olish kerak. Shu bilan birga, o’z qurilmalarini quyosh elektr stansiyalariga ulagan yuridik shaxslarga kriptovalyuta qazib olishga ruxsat beriladi.

Agar kompaniyalar mamlakatimizda mayning, birjalar va boshqa savdo maydonchalarini ishga tushirmoqchi bo‘lsa, to‘lov 300 BRV yoki 102 million so‘mni tashkil qiladi.

Avvalroq «Kursiv» Jizzax viloyatidagi sartaroshxonalardan birida mayning-fermasi aniqlangani haqida yozgan edi.