O‘zbekistonda oltin quymalarning narxi eng yuqori darajaga yetdi
O‘zbekistonda qimmatbaho metallning jahon narxlari oshib borayotgani fonida oltin quymalari qimmatlashmoqda. Respublika Markaziy banki 13-apreldagi eng kichik hajmdagi 5 gramm 4,99 mln so‘mni tashkil qildi. Bu 9-aprel kuniga nisbatan 83 ming so‘mga qimmatroq.
Og‘irroq quymalar ham qimmatlashdi. 10 gramm uchun endi 9,82 mln o’rniga 9,98 mln to‘lash kerak bo‘ladi. 20 grammlik quyma esa xaridorga deyarli 19,97 mln (ilgari 19,63 mln)ga tushadi. 50 grammlik qimmatbaho metallning narxi deyarli 49,1 mln so‘mdan 49,9 mln so‘mga oshdi.
Eslatib o‘tamiz, 12-aprel kuni oltin jahon bozorida bir troya untsiyasi uchun $2400 chegarasidan o‘tib ketdi, bu tarixiy cho‘qqi hisoblanadi. Freedom Finance Global’ning yozishicha, Yaqin Sharqdagi siyosiy vaziyatning yomonlashuvi, shuningdek, dollar kursining pasayishi va AQSh Federal rezerv tizimi tomonidan foiz stavkalarining pasayishi kutilayotgani qimmatbaho metallar narxini oshirmoqda.
«Oltinning himoya aktivi sifatidagi talabning yuqoriligi, shuningdek, rivojlanayotgan mamlakatlarda dedollarizatsiyasining bosqichma-bosqich kuchayib borishi oltinning birjadagi bir untsiyasi uchun kamida $2500 ko‘tarilishi uchun sabablar bo‘ladi»- ta’kidlashadi tahlilchilar.
Aytish joizki, O‘zbekiston xorijda faol oltin sotuvchi hisoblanadi. 2024-yilning ikki oyida $1,3 mlrd qimmatbaho metall sotilgan, bu 2023-yilning shu davriga nisbatan 11,5 foizga ko‘pdir. Joriy yilning fevral oyida O‘zbekiston Markaziy banki 12 tonna oltin sotdi va shu davrda eng ko‘p qimmatbaho metal sotgan sotuvchiga aylandi.
