Rasmiylar So‘qoqdagi sel haqida izoh berishdi
eʼlon qilindi
Yog‘ingarchilik tufayli
13-aprel kuni So‘qoq qishlog‘ining Chashma mahallasida sodir bo‘lgan selga kuchli yomg‘ir sabab bo‘lgan, deb xabar berdi Toshkent viloyati hokimligi.
Poytaxt viloyati hokimligi hodisa oqibatida qurbonlar yo‘qligini ta’kidladi.
Eslatib o‘tamiz, Uznet tarmog‘ida So‘qoq qishlog‘ida sel bo‘lgani haqida xabar tarqalgan edi. Ushbu aholi punkti poytaxt aholisining sevimli dam olish maskani hisoblanadi.
Sinoptiklarning xabar berishicha, 16-17 aprel kunlari O‘zbekistonning to‘qqizta viloyatida, jumladan, Toshkent viloyatida ham sel kelishi kutilmoqda.
Avvalroq «Kursiv» o‘tgan haftada kuchli yomg‘ir tufayli Samarqand va Qashqadaryo viloyatlarida sel va sel oqimi qayd etilgani haqida yozgan edi.
