![](https://cdn-uz.kursiv.media/wp-content/uploads/2024/04/image-104.png)
Alisher Usmonov Rossiyaning Forbes nashri tomonidan 2024-yil uchun rossiyalik milliarderlar reytingida 125 kishi orasida to‘qqizinchi o‘rinni egalladi.
Forbes ma’lumotlariga ko‘ra, Usmonovning joriy yildagi boyligi $13,4 mlrd tashkil qilgan. 2023-yili esa milliarderning kapitali $14,4 mlrd baholangan va o‘tgan yilgi Forbes reytingida sakkizinchi o’rinni egallagan edi.
2024-yilgi reytingga ko‘ra milliarderdan bir pog‘ona tepada joylashgan Telegram asoschisi Pavel Durov va 10-o‘rinda LetterOne investitsiya kompaniyasi direktorlar kengashining sobiq a’zosi Mihail Fridman bo‘lishdi.
Durov $15,5 mlrd boyligi bilan sakkizinchi o’rinni egalladi, $13,1 mlrd bilan Fridman Rossiyaning eng boy odamlari o‘ntaligini yopdi.
Rossiyaning Forbes jurnali ma’lumotlariga ko‘ra, eng boy rossiyalik «Lukoyl» neft kompaniyasining sobiq prezidenti Vagit Alekperov $28,6 mlrd boyligi tashkil qiladi. 125-o’rindagi «Delo» guruhi direktorlar kengashi raisi Sergey Shishkarev $1 mlrdga ega.
Avvalroq «Kursiv» Alisher Usmonov Forbes ro‘yxatida 21-o‘rinda ekanligini yozgan edi.