Eron-Isroil oʻrtasidagi ziddiyat Markaziy Osiyo davlatlari logistika xizmatiga ta’sir qilishi mumkin
Yaqin Sharqda yangi ziddiyatlar boshlandi. Eronning Isroilga yaqinda qilgan hujumi butun mintaqani xavf ostida qoldirmoqda. Bundan tashqari, mojaro boshqa davlatlarga, jumladan, Markaziy Osiyo mamlakatlariga ham ta’sir qiladi.
«Kursiv» nashri Transasia Logistics kompaniyalar guruhining rivojlanish boʻyicha direktori Arkadiy Ivanovdan Eron-Isroil mojarosi Oʻzbekiston va Markaziy Osiyo mamlakatlari transport logistikasiga qanday taʼsir qilishi mumkinligi haqida sharh oldi.
Uning soʻzlariga koʻra, hozirgi keskinlashuv Eron orqali rivojlanib borayotgan tranzit tashuvlariga taʼsir qiladi. Markaziy Osiyo davlatlari uchun Eron dengiz portlari Hind okeaniga olib boradigan eng qisqa yoʻl hisoblanadi.
Ekspertning qoʻshimcha qilishicha, Markaziy Osiyo davlatlari va Rossiya uchun eng muhim logistika yoʻnalishi «Shimol-Janub» yoʻlagi hisoblanadi.
Eslatib oʻtamiz, Shimol-Janub transport kanali Rossiya, Hindiston va Eronni bogʻlaydi. 2023-yil dekabr oyi boshigacha yoʻlak orqali yuk tashish hajmi 10 million tonnadan oshgan.
«Agar Eron-Isroil mojarosi jiddiy tus olsa, Markaziy Osiyo davlatlari transport oqimini Gruziyaning Poti porti yoki Xitoy bilan quruqlikdan kesib oʻtish yoʻnalishiga yoʻnaltirishi mumkin», dedi Ivanov.
«Kursiv» Eronning Isroilga yaqinda qilgan hujumi 20 yil ichida havo qatnovlarining uzilishiga olib kelgani haqida xabar bergan edi. Tehron va Quddus oʻrtasidagi kelishmovchilik kamida oʻnlab aviakompaniyalarning parvozlarni kechiktirishi yoki yoʻnalishini oʻzgartirishiga sabab boʻldi.
Avvalroq Oʻzbekiston Tashqi ishlar vazirligi Isroil va Eronni murosaga kelishga chaqirgan edi.
