O‘zbekiston prezidenti Shavkat Mirziyoyev davlat tashrifi bilan Dushanbega keldi. Tojikiston poytaxti aeroportida uni davlat rahbari Emomali Rahmon kutib oldi.
Uning sharafiga faxriy qorovul tuzilib, ikki davlat bayroqlari osildi. O‘zbekiston prezidenti «Do‘sti» maydoniga tashrif buyurib, Ismoil Somoniy haykali poyiga gul qo‘ydi.
Oliy darajadagi rejalashtirilgan muzokaralar chog‘ida davlat rahbarlari O‘zbekiston-Tojikiston hamkorligiga oid masalalarni muhokama qiladilar. Bundan tashqari, prezidentlar ikki mamlakat sanʼat ustalarining konsertini tomosha qilishadi, «Made in Uzbekistan» mahsulotlar koʻrgazmasiga ham tashrif buyurishadi.
