Og‘zaki rus nutqida gaplashish Rossiyadagi mehnat muhojirlari uchun imtihonga kiritilishi mumkin, deb xabar berdi RBC agentligi.
Bugungi kunda rus tilida gapirish ko‘nikmalari patent olish yoki ishlashga ruxsat olish uchun imtihonning bir qismi sifatida sinovdan o‘tkazilmaydi. Rossiya Federatsiyasi Ta’lim va fan sohasida nazorat federal xizmati buni o‘zgartirishni maqsadga muvofiq deb hisoblaydi.
Bundan tashqari, federal xizmat chet elliklar uchun Rossiyada yashash uchun ruxsatnoma yoki fuqarolikni olish uchun talab qilinadigan ballarning chegara darajasini qayta ko’rib chiqmoqchi. Ular hozirgi 50 balldan 80 ballgacha ko’tarishmoqchi.
Avvalroq «Kursiv» O‘zbekistonga qaytgan mehnat muhojirlari va ularning oila a’zolariga bepul tibbiy ko‘rikdan o‘tishga yordam berishini yozgan edi.
